தமிழர்களைக் காப்பாற்ற வேண்டும் என்பதால்தான் பதவியைத் துறக்க விரும்பவில்லையாம் முதல்வர் கூறுகிறார்

தமிழர்களைக் காப்பாற்ற வேண்டிய பொறுப்பு இருப்பதால்தான் பதவியைத் துறக்க விருப்பமில்லை என்று முதல்வர் கருணாநிதி கூறியுள்ளார். இது குறித்து, நேற்று அவர் எழுதிய கடிதத்தில் மேலும் தெரிவிக்கப்பட்டுள்ளதாவது,

சிலர் இலங்கைத் தமிழர் பிரச்சினை என்பது அவர்களுக்கு மட்டுமே உரியதைப் போலவும், நானும், தி.மு.க.வும் அதிலே அக்கறையற்றதைப் போலவும் மக்களிடம் செய்தி பரப்ப முயல்கிறார்கள். என் கையால் எழுதப்பட்ட செயற்குழு, பொதுக்குழு தீர்மானங்களிலேயே எந்தப் பிரச்சினைக்காக அதிகமான தீர்மானங்களை எழுதியிருப்பேன் என்று என் விரல்களைக் கேட்டால் அது கூறும், இலங்கைத் தமிழர் பிரச்சினைக்காகத் தான் என்று.

ஆனால், சிலர் இப்போது நம்முடைய தீர்மானங்களில் தீவிரம் இல்லை என்கிறார்கள். பதவியைத் துறக்க விருப்பமில்லை என்கிறார்கள் ஆட்சியிலே இருப்பதால் அதனைக் காப்பாற்ற முயலுகிறேன் என்றெல்லாம் பிரசாரம் செய்கிறார்கள்.

ஆமாம், இலங்கைத் தமிழர்களைக் காப்பாற்ற எனக்கு இருக்கிற அக்கறையைப் போல, இங்கேயிருக்கிற தமிழர்களையும் காப்பாற்ற வேண்டிய அக்கறையும், பொறுப்பும் எனக்கிருக்கின்றது அல்லவா? சட்டத்தரணிகளுக்கும் பொலிஸ்காரர்களுக்கும் இடையே பகை உணர்ச்சி காணப்படுகின்றது.

இரு தரப்பினரும் யார்? இருவரும் தமிழர்கள்தான். அவர்கள் இடையே மோதல் உருவாகாதா? இரத்தம் வடியாதா? அதிலே இன்பம் காண முடியாதா என்று ஏங்குபவர்களுக்கு இடம் கொடுத்து விடக் கூடாது என்பதற்காகத்தான் உண்ணாவிரத அறிக்கையை விட நேர்ந்தது