கத வுடாதீங்க

" கதை கரு பற்றிய இன்னொரு விஷயம். அன்றாடத் தினசரிகளில் பிரபலமாக வெளிவந்து எல்லோருக்கும் பரிச்சயமான 'பத்திரிகைச் சமாசாரத்தை' சிறிது ஜோடனை செய்து கதையாக உரு மாற்றும் ரசவாதம் செய்து உலவவிடுவது. இதை 'கதை எழுதுவது' என்பதை விட 'கதை விடுவது' என்று சொல்லலாம். நிருபராய்ப் போய் விஷயத்தை துருவித் தோண்டி உண்மையை அகழ்ந்தெடுத்தல் உன்னதமான பத்திரிகைத் தொழில். மேம்போக்காக பத்திரிகையில் வெளிவந்த செய்தியை வைத்துக் கொண்டு ககது , மூக்கு, கண் வைத்துக் கதை விடுதல் வேறு வகை. பல வருஷங்களின் பின் வரும் வாசகர்கள் பத்திரிகைச் செய்தியை அறியாமல் , கதை கருவை ஆசிரியரின் அபார கற்பனைத் திறன் என்று அப்போது படிப்பவர்கள் நம்பிவிடலாம். அவர்கள் அப்படி நம்பி விடவேண்டும் என்னும் நப்பாசை ஆசிரியருக்கு இருக்குமானால், அவர் தன் உயிலில் 'இந்தக் கதையை இத்தனையாவது ஆண்டில் பிரசுரம் செய்க, அல்ல்து இத்தனையாவது ஆண்டுக்கு முன் பிரசுரம் செய்யற்க' என்று எழுதி வைத்துப் போகவேணும்.


இப்டிக் கத உடுறதில சில மாமிங்க பலே பேர்வழிங்க. உஷார்...... உஷார்